25/1/15

PAZ 2015

Este ano adicaremos o Día da Paz a coñecer un pouco mellor á paquistaní Malala Yousafzai, galardoada aos 17 anos co Premio Nobel da Paz, pola defensa do dereito á educación das mulleres.
O alumado de 6º curso presentaranos un pequeno resumo sobre a súa vida. Despois faremos unha lectura colectiva do libro "Querida Malala".
Para rematar cantaremos unha canción arabe que fala de amor e paz, deixamos o enlace ao blog de música no que nos explican que están a coñecer o folklore do país de Malala, Pakistán.
Tamén faremos un acto final no que compartiremos os traballos realizados na área de Artística . Cada neno/a levará como agasallo o traballo realizado por un compañeiro ou compañeira do colexio.


FELIZ DÍA DA PAZ 2015.


20/1/15

MOCHILAS VIAXEIRAS 2014/2015




Ao comezo deste ano 2015 as nosas Mochilas Viaxeiras inician a súa andadura cheas de retazos de mar: libros informativos, de ficción, música..., para disfrutar en familia.

BOAS LECTURAS!!!







16/1/15

EDUGA. Revista Galega do Ensino.

Xa está dispoñible o volume 68 (xullo-decembro 2014) da revista EDUGA, no portal da Consellería de Cultura, Educación e Ordenación Universitaria:
Revista Galega do Ensino (www.edu.xunta.es/eduga).

Neste número aparece un artigo de Boas Prácticas da nosa Biblioteca "Soños de Andel":




1/1/15

FELIZ 2015




RECOMENDACIÓNS LECTORAS. NADAL 2014

Neste curso o noso PDI é sobre o Mar, e a Guía de lecturas de Nadal ponnos o Mar en Poesía. Atoparedes unha variada selección de libros de poesía coa temática do Mar.
Dende a Biblioteca "Soños de Andel" desexámosvos

Bo Nadal e Felices Lecturas.

23/12/14

NADAL NO FONDO DO MAR



Este ano o noso PDI é sobre o mar.
O Nadal que celebramos é: 
"Nadal no fondo do Mar".

Infantil: "Belén no fondo do Mar"
1º curso: "O circo mariño"
2º curso: "Cantando aos peixes das nosas costas"
3º curso: "Surfeiros de Doniños"
4º curso: "Fábula marítima"
5º e 6º curso: "O Belén Mariñeiro"

O enlace aos vídeos de cada unha das actuacións: AQUI



22/12/14

AGASALLOS DE NADAL

A nosa mascota Raioteca envia agasallos de Nadal a todos os encargados e encargadas de Biblioteca, para agradecer a súa colaboración, imprescindible no bo funcionamento da Biblioteca.


BO NADAL E GRAZAS POLO VOSO TRABALLO!!!!


21/12/14

ASOCIACIÓN MUSICAL "MUSICREQUES"

En decembro tivemos no colexio a actuación da Asociación Musical "Musicreques".
Como elas mesmas contan no seu blog:

“Iván e o lobo gris” é unha historia de guión propio na que os monicreques representan un conto con personaxes e situacións típicos dos contos tradicionais rusos. A historia é acompañada da enérxica e maravillosa música das Danzas Eslavas de Antonín Dvórak, interpretadas ao piano en directo. O emprego de diapositivas con debuxos de Iván e outros personaxes do conto, permite coñecer as peripecias do protagonista Iván na súa viaxe polo bosque, complementando aínda máis o espectáculo de música e monicreques.

Ademais do espectáculo de música e monicreques, a Asociación ofrece tamén, aos centros educativos que participen co seu alumnado, unha Guía Didáctica para a realización de actividades complementarias previas e posteriores ao Concerto Didáctico. AQUI
A canción-conto: AQUI

As artífices desta actividade son dúas profesoras do Conservatorio de música de Ferrol, Alma e Loreto.
É un espectáculo moi completo porque combina teatro de monicreques, música en directo, audiovisual e por suposto a maxia que encerran os contos.
Dende aquí queremos darlles os nosos parabéns por esta iniciativa.

Moitas grazas a Alma e Loreto. Ata sempre!!!

14/12/14

CONCURSO: 3ª FASE

Gañadores da 2ª fase do concurso: "UN MAR DE PROBLEMAS"




1º CURSO: FRANCISCO BOUZA CORTÉS
2º CURSO: INÉS REGUEIRO RIAL
3º CURSO: MARTA ORTEGA SILVAR
4º CURSO: HUGO SÁNCHEZ RIAL
5º CURSO: MARÍA RODRÍGUEZ ESPILLA
6º CURSO: LUCÍA FERNÁNDEZ GONZÁLEZ

PARABÉNS!!!!


Quizais tamén che interese

Related Posts with Thumbnails